Burai hume kab aur kaise gher leti hai,
ye hum khud bhi samajh nahi paate...
Maine bahut koshish ki achha banne ki,
sabke mann ki karne ki,
har rishte ko jodkar rakhne ki.
Par dheere-dheere hua ye
ki sabne mujh mein hi kamiyan dhoondhni shuru kar di.
Aur aakhir mei mujhe hi akela chhod diya...
Mera dard, mere aansu,
meri baaton ka kisi par koi asar hi nahi hua.
Sabne apni taraf se faisle suna diye,
par apni galti kabhi kisi ne nahi maani...
Shayad galti meri sirf itni thi
ki maine dusron ko samajhne mei
khud ko hi nazarandaaz kar diya.
shayad isliye baki sabne bhi mujhe
nazarandaaz kar diya.