Meri aur meri dost Pooja ki dosti bilkul unlimited data pack jaisi hai…
kabhi khatam hi nahi hoti 😄

School ke time ki baat hai…
ek din hum dono ne decide kiya ki aaj class bunk karenge। Plan full solid tha Teacher ko bol denge library ja rahe hain! . Par problem yeh thi…humein library ka raasta hi nahi pata tha 🤦‍♀️

Hum confidence ke saath nikle…aur 10 minute baad school ke watchman ne pakad liya —
"Kahan ja rahe ho tum dono?"
Pooja turant boli —
"Library!"
Watchman ne poocha —
"Kahan hai library?"

Hum dono ek dusre ko dekhne lage…aur phir ek saath bole —"Wahi toh dhoondh rahe hain!"
Us din punishment mili… par hasi ruk hi nahi rahi thi। Ek aur memory toh epic hai…
Exam ke din Pooja ne bola —"Mujhe kuch nahi aata… tu help kar dena!"
Maine hero ban ke kaha —"Tension mat le, main hoon na!"
Exam start hua…Pooja ne piche se pucha —"Answer bata!"
Maine dheere se bola : "Mujhe bhi nahi aata!" 😭😂
Usne wahi paper mein likh diya —
"Same as my best friend" 🤣

Teacher ne jab check kiya…
toh humein alag se bulaya —
"Tum dono ki dosti exam mein bhi dikh rahi hai!"

Aaj hum bade ho gaye hain…life busy ho gayi hai…par jab bhi milte hain, wahi purani hasi, wahi pagalpan wapas aa jata hai। kuch hours mein purani zindgi ji lete hai.. jo life ko thoda recharge kar jate hai .