Hello Everyone...I want to share my story too. Meri jab shadi hui tab mai job nahi karti thi. fir family bache sabmei itna busy ho gayi ki time ka pata hi nahi laga. shadi ke kuch saal baad meri beti hui. uske first birthday par mai bahut khush thi to maine socha kuch special banati hoon. tab pata nahi kaise khayal aaya ki cake banau. maine bahut jagah se recipe dekhi. samaan ikatha kiya. jin logo ko mai janti thi jo achi cooking kar lete the un sabse discuss kiya. kafi research ke baad maine apna cake banaya. jo ki surprisingly kafi acha ban gaya. then fir kuch time baad mere husband ke bday par maine dobara try kiya. is baar bhi sabne bahut tarif ki. fir dhire dhire mujhe bhi is kaam mei maza aane laga. fir ye silsila aise hi chalta raha. dhire dhire mujhe logon ne order dene start kar diye. jo log mere ghar aate the bday parties par woh mujhe apne bday par bhi vaisa hi cake banane ko kahte. I know ye kafi lamba kaam hai aur jyada log order bake shop par hi dena pasand karte hain. par fir bhi mujhe itne orders mil jate hain jo mai apni beti aur ghar ke baki kaamo ke sath manage kar leti hoon. apmei se aur bhi kai honge jinhone kabhi aise hi achanak khudko jana ho samjha ho. mujhe acha lagega agar aur log bhi apna experiece share karenge to.